影片
更多
2019-07-13
17 浏览
平时都唔会走去天文台道揾嘢食，但有朋友介绍呢度有间蒸气火锅好掂，就咬实牙关行条斜路上黎！用餐嘅位置喺2楼，环境宽敞而且仲有几间VIP房，如果想一班朋友围威喂食哂饭，就够哂私隐！有好几个海鲜蒸气锅嘅套餐可以选择，我哋拣中价位嘅套餐试一试。店员递上小食，好快就有第一款蒸气食物上枱。店员会先将你选择嘅粥底材料(南瓜、排骨、米) 舖系锅底，上面蒸完嘅海鲜汁就可以流落去煮粥。黑松露蒸蛋先黎第一道开胃菜，需时3分几钟，蒸完之后至摆黑松露再蒸多1分钟，蒸蛋蒸得啱啱好，食落口好滑，蒸完嘅黑松露香气扑鼻，两者好夹！花甲、鲍鱼虽然花甲细细只，但鲜味十足。鲍鱼爽口，蒸嘅时间啱啱好，食得出用料新鲜干净。蒜蓉粉丝蒸圣子圣子蒸完之后冇缩水不特止，仲好鲜甜，蒜蓉渗哂入粉丝度，食一只真系唔够喉。花蟹每人得半只花蟹，份量有啲少，蟹盖入边仲保留好多蟹膏，蟹膏好甜，蟹钳好多肉，如果可以每人一只就好！哈哈😂😂😂手剁墨鱼丸食得出系手工制嘅墨鱼丸，好爽口弹牙，咬落有一粒粒嘅墨鱼肉粒，相比外面一般单点火锅店嘅自制墨鱼丸更食得出真材实料。冬菜蒸马友平时屋企都好少会整马友呢类鱼，但原来用冬菜蒸一蒸已经好够味，肉质嫩滑，冬菜更加有提鲜嘅
用餐嘅位置喺2楼，环境宽敞而且仲有几间VIP房，如果想一班朋友围威喂食哂饭，就够哂私隐！有好几个海鲜蒸气锅嘅套餐可以选择，我哋拣中价位嘅套餐试一试。店员递上小食，好快就有第一款蒸气食物上枱。
店员会先将你选择嘅粥底材料(南瓜、排骨、米) 舖系锅底，上面蒸完嘅海鲜汁就可以流落去煮粥。
黑松露蒸蛋
先黎第一道开胃菜，需时3分几钟，蒸完之后至摆黑松露再蒸多1分钟，蒸蛋蒸得啱啱好，食落口好滑，蒸完嘅黑松露香气扑鼻，两者好夹！
花甲、鲍鱼
虽然花甲细细只，但鲜味十足。鲍鱼爽口，蒸嘅时间啱啱好，食得出用料新鲜干净。
蒜蓉粉丝蒸圣子
圣子蒸完之后冇缩水不特止，仲好鲜甜，蒜蓉渗哂入粉丝度，食一只真系唔够喉。
花蟹
每人得半只花蟹，份量有啲少，蟹盖入边仲保留好多蟹膏，蟹膏好甜，蟹钳好多肉，如果可以每人一只就好！哈哈😂😂😂
手剁墨鱼丸
食得出系手工制嘅墨鱼丸，好爽口弹牙，咬落有一粒粒嘅墨鱼肉粒，相比外面一般单点火锅店嘅自制墨鱼丸更食得出真材实料。
冬菜蒸马友
平时屋企都好少会整马友呢类鱼，但原来用冬菜蒸一蒸已经好够味，肉质嫩滑，冬菜更加有提鲜嘅作用，好味。
安格斯牛小排
牛肉最怕煮太耐会鞋口，但呢度蒸嘅时间岩岩好，就咁清蒸嘅牛肉好原汁原味，能够锁住肉汁，不过略嫌薄左少少，一两啖就食晒啦。
甜梅菜蒸菜心苗😋
黎到最后嘅蒸菜心，就连平时好少食菜心嘅我都觉得好新鲜，菜茎好甜好爽口，菜叶就好嫩。
当食到呢度其实都已经饱咗七成，不过锅底嘅南瓜排骨粥先系压轴。锅底嘅南瓜已经煲到淋晒，变成淡黄色嘅粥底，食落有淡淡嘅南瓜味同海鲜味，两个人食大概每人都分到两碗几，份量几多。
见我哋食到七七八八，仲送埋冻冰冰嘅木瓜雪耳糖水，为今晚哩餐盛宴画上圆满句号，亦感谢店员全程照顾周到！👍🏻👍🏻👍🏻
张贴
