影片
更多
2020-12-21
3872 浏览
11月个时同屋企人book左海洋公园万豪一晚连门票，之前见佢哋自助餐一直好评，入住前几日就打电话去餐厅问，又好好彩话仲有少量位，就即刻book埋啦！当晚六点令钟左右到，已经有一半人入咗座。虽然餐厅安排左比较远离食物嘅区域比我哋，但就宁静啲，人流又少啲。冷盘海鲜类有长脚蟹脚、青口、蚬仲有比较少见嘅面包蟹等。冷盘海鲜算多款而且新鲜，蟹脚每条都大大条！-热荤款类都好多，羊架、中式菜、烧海鲜、咖哩等等，应该出现嘅佢都会有。矶烧饱鱼唔韧够软腍，鸭肝多士入口即化，攞过两次都见佢哋有refill。-日式料理吧，刺身即场切，冷盘寿司个啲就一早整定，唔算多人排队，都算干净卫生。--最精彩嘅一定蒸龙虾，无限件数，每次排队都可以拎半只。龙虾即蒸即开，鲜甜肥美，虾肉弹牙，虾膏有半只咁多--甜品放得好靓，想要边款师傅会系隔离个雪柜拎出黎，所以唔系食display个啲。其实唔止甜品柜，仲有豆腐花、朱古力喷泉、雪糕雪条等等。但食甜品个时真系太饱⋯⋯所以食唔到太多。-整体而言，餐厅空间大，枱同枱唔算太逼，员工收野都算快。记得要饮佢原盅炖汤，好正不过唔记得影。
当晚六点令钟左右到，已经有一半人入咗座。虽然餐厅安排左比较远离食物嘅区域比我哋，但就宁静啲，人流又少啲。
冷盘海鲜类有长脚蟹脚、青口、蚬仲有比较少见嘅面包蟹等。
冷盘海鲜算多款而且新鲜，蟹脚每条都大大条！
-
热荤款类都好多，羊架、中式菜、烧海鲜、咖哩等等，应该出现嘅佢都会有。
矶烧饱鱼唔韧够软腍，鸭肝多士入口即化，攞过两次都见佢哋有refill。
-
日式料理吧，刺身即场切，冷盘寿司个啲就一早整定，唔算多人排队，都算干净卫生。
-
-
最精彩嘅一定蒸龙虾，无限件数，每次排队都可以拎半只。
龙虾即蒸即开，鲜甜肥美，虾肉弹牙，虾膏有半只咁多
-
-
甜品放得好靓，想要边款师傅会系隔离个雪柜拎出黎，所以唔系食display个啲。
其实唔止甜品柜，仲有豆腐花、朱古力喷泉、雪糕雪条等等。但食甜品个时真系太饱⋯⋯所以食唔到太多。
-
整体而言，餐厅空间大，枱同枱唔算太逼，员工收野都算快。
记得要饮佢原盅炖汤，好正不过唔记得影。
张贴
