豪華咖啡茶廳

营业中

休息中

根据饮食网站的提供，今日去咗湾仔庄士敦道226号嘅豪华茶餐厅揾食。 虽然个名叫“豪华”，但系事实却刚好相反，系“经济”至啱！ 装修已经好陈旧，门口仲搭咗几张枱，方便食烟嘅顾客。里面嘅食物劲平，猪扒并五香肉丁通粉都只系$16，反而杯奶茶要$10，比例上贵咗D，就睇下$26食到D乜！猪扒：另外碟上，大大件，味道可以，但肉质腌得太淋，失咗原有嘅纹理；太油腻，碟底全是油。五香肉丁通粉：味道唔错，都几多肉丁。奶茶：普通，饮唔出有乜特别。后来先知道呢度另一样出名嘅系油占、奶酱多士……再去一次！呢次我点咗以下食物：奶央、油央多士：唔系咁多地方有咖央多士食，不过奶央、油央嘅组合就无乜火花，下次都系食返油占、奶酱多士。 讲返件多士就非常厚身，份量十足，但系就咪预佢系脆卜卜𠮶只，只系有D烘过嘅香味，面饱唔松软而系传统有咬口𠮶只。 六蚊件真系抵食！另外点嘅雪菜鱼柳米粉都好抵食，十六蚊，件鱼柳又大又厚，而且仲系自制嘅，外面𠮶层系脆蛋浆而唔系惯常嘅面饱糠，几特别！总括来说，豪华茶餐厅的质素过得去，以平、抵取胜。