影片
更多
2019-10-31
1601 浏览
今晚同朋友一齐黎食Omakase。呢间系V Point既高级日本餐厅已经系我bucket list好耐，今日终于一尝所愿。今晚拣左呢度$850既「枫」。呢度师傅分别系George同Michael，两位都非常专业啊，而且几好倾添，分享左好多日本料理既知识。首先系日本蕃薯片，系呢度自己炸。比薯片硬身，更有咬口，味道唔会过份调味，盐份刚好，令蕃薯味更突出。熊本县番茄，本身已经比较鲜甜，再加上和风汁，更带出甜味，下面有啲萝卜丝同紫苏叶，系个好好既开胃菜。跟住系刺身既环节。中间左边系爱女鱼，第一次见，系比较肉质有咬口既白身鱼。右边有啲红边既系彷佛鱼，同爱女鱼一样油分较少，上面有啲带清香既柚子皮，再点酸汁就更可以带出鱼味。旁边两粒系中拖罗，带筋，上面系甜甜既北海道海胆。仲有芬兰香草作点缀。热食部份系呢个间八鱼一夜干。腌制左一晚，皮脆，底下肉质比较紧实，略带咸香，配上青柠汁同萝卜蓉加上酸汁，更带出鱼鲜味。跟住系寿司部份。活赤贝，师傅一放手个赤贝就会收缩，好有视觉效果！呢个本身用左青柠、芥末、豉油调味，肉质爽口。牡丹虾，上面有啲紫苏花，系软糯既虾肉之中带出芳香味。中拖罗，呢个完全无筋，鱼油味比之前既刺
今晚同朋友一齐黎食Omakase。呢间系V Point既高级日本餐厅已经系我bucket list好耐，今日终于一尝所愿。今晚拣左呢度$850既「枫」。
呢度师傅分别系George同Michael，两位都非常专业啊，而且几好倾添，分享左好多日本料理既知识。
首先系日本蕃薯片，系呢度自己炸。比薯片硬身，更有咬口，味道唔会过份调味，盐份刚好，令蕃薯味更突出。
熊本县番茄，本身已经比较鲜甜，再加上和风汁，更带出甜味，下面有啲萝卜丝同紫苏叶，系个好好既开胃菜。
跟住系刺身既环节。
中间左边系爱女鱼，第一次见，系比较肉质有咬口既白身鱼。右边有啲红边既系彷佛鱼，同爱女鱼一样油分较少，上面有啲带清香既柚子皮，再点酸汁就更可以带出鱼味。
旁边两粒系中拖罗，带筋，上面系甜甜既北海道海胆。仲有芬兰香草作点缀。
热食部份系呢个间八鱼一夜干。
腌制左一晚，皮脆，底下肉质比较紧实，略带咸香，配上青柠汁同萝卜蓉加上酸汁，更带出鱼鲜味。
跟住系寿司部份。
活赤贝，师傅一放手个赤贝就会收缩，好有视觉效果！呢个本身用左青柠、芥末、豉油调味，肉质爽口。
牡丹虾，上面有啲紫苏花，系软糯既虾肉之中带出芳香味。
中拖罗，呢个完全无筋，鱼油味比之前既刺身更浓烈。
火炙油甘鱼，烧过后油香更澎拜，入口啖啖满足。
火炙秋刀鱼，系光身鱼，每年到9月至11月最肥美，我地总算搭上食刺身最佳时侯既尾班车，配上少少姜蓉将仅余嘅腥味除去，果然油香四溢！
熟成拖罗，用左秘制酱汁熟成左四日，超入味，令拖罗既味道更上一层楼。
赤海胆手卷，来自北海道，味道鲜甜唔腥。
旁边系柚子萝卜，系呢度自己腌制。
最后系黑豚肉面豉汤，黑豚肉超嫩滑，汤味道唔会好咸。
甜品系熊本赤蜜瓜。超甜超软熟，系呢餐完美既终结！
呢间餐厅原来几日前系尖沙咀有分店开幕，所以呢边都有庆祝活动，就系午市消费满四个餐就减$220，晚市四个餐就减$850，自家制既酒都有半价。下载餐厅会员app仲有95折添，真系优惠多箩箩！
张贴
