影片
更多
2008-06-01
15 浏览
呢排发炒面颠, 早排就发翅颠. 好朋友生日第2日, 极度厌恶Shopping的我破天荒陪朋友行街买野, 咁要我热辣辣行露天我就c都唔济, (除非系行去食野啦!) 咁行下APM都ok的, 不过我行左唔够一个钟, 巳经顶唔顺...想食翅, 又想食海鲜, 咁朋友就提议近近地去Megabox的御苑皇宴. 坦白讲我不嬲对依d装修靓坐得cc服服嘅新派中式酒楼无乜好感, 不过是日好鬼攰, 唔想四围走, 近近地去e庶试下都好.承接生日的欢乐气氛, 一于食得奔放d, 一口气食咗翅, 燕窝, 同各类海鲜, 连酒都开埋, 如果唔讲, 仲以为食紧dinner呢.1) 好鬼钟意佢有猎烛暖住d茶, 因为我最怕饮d温温吞吞嘅野.2) Lunch饮酒, 我自己间唔中都会, 但今次一齐饮, 特别开心. 叫咗支House White, 系Sauvignon Blanc, 简简单单, 易入口, OK ga!3) 金汤竹笙海皇翅 - 望落色水有d假, 但饮落都好鲜甜, 翅份量又多, 好满意呢.4) 红烧腿汁燕窝 - 燕窝同汤汁分开上, 卖相精致豪华. 汁底鲜甜, 对办.5) 蒜茸粉丝蒸元具两只 - 粉丝几爽, 蒜粒炸
想食翅, 又想食海鲜, 咁朋友就提议近近地去Megabox的御苑皇宴. 坦白讲我不嬲对依d装修靓坐得cc服服嘅新派中式酒楼无乜好感, 不过是日好鬼攰, 唔想四围走, 近近地去e庶试下都好.
承接生日的欢乐气氛, 一于食得奔放d, 一口气食咗翅, 燕窝, 同各类海鲜, 连酒都开埋, 如果唔讲, 仲以为食紧dinner呢.
1) 好鬼钟意佢有猎烛暖住d茶, 因为我最怕饮d温温吞吞嘅野.
2) Lunch饮酒, 我自己间唔中都会, 但今次一齐饮, 特别开心. 叫咗支House White, 系Sauvignon Blanc, 简简单单, 易入口, OK ga!
3) 金汤竹笙海皇翅 - 望落色水有d假, 但饮落都好鲜甜, 翅份量又多, 好满意呢.
4) 红烧腿汁燕窝 - 燕窝同汤汁分开上, 卖相精致豪华. 汁底鲜甜, 对办.
5) 蒜茸粉丝蒸元具两只 - 粉丝几爽, 蒜粒炸过, 几香口, 个豉汁又啱啱好, 带子又蒸得刚好, 就系带子本身欠缺左鲜甜味.
6) 陈皮蒸鲍鱼仔半打 - 同蒸带子一样, 样样啱啱好, 就系鲍鱼仔本身唔够鲜味.
7) 豉汁蒸黄立仓 - 蒸得过左火, 比较鞋, 但肉就几甜, 无乜泥味.
8) 虾肠 - 皮唔算厚, 亦几滑, 但粉团味过重.
9) Mega虾饺霸 - 真系大只到晕, 不过包咁多馅佢个皮都唔会过厚, 又够烟韧, 非常唔错.
10) 甜品环节龟苓膏 - 经理推介, 但佢质感似凉粉/啫喱, 味道似24味.
11) 甜品环节椒盐鱿鱼须 - 我唔likey 甜野, 所以叫咗呢味当甜品. 唔系即炸, 放咗一排, 又冻又唔脆, 不过d肉都爽嫩, ok. 有椒盐野梗要送番杯啤酒埋尾啦!
12) 敬送生果 - 砌得肉酸, 但心思可嘉.
食物水准ok啦, 服务就极之非常周到, 亦坐得好舒服, 最紧要系大家食得开心
张贴
