牛扒先生 (青衣城1)

营业中

休息中

今日难得想食豪啲，就去左呢间mr steak。我地两个人6点去到晚市，所以冇乜人，即刻就有位坐。我地叫左两个set一个系香煎三文鱼柳·芝士焗带子，一个系烟熏烧烤酱英国猪肋排，跟餐既特饮系龙眼茶。个芝士带子好大粒，芝士都好足料，不过配既risotto就有啲多，最后都食唔晒。而个猪肋排就己经系第二次食，个bbq酱真系好好食，但食起上黎真系好麻烦，好难切，而且啲肉都几多下，食完己经唔想食沙律吧既野。个龙眼茶都几特别，几好饮。虽然好饱，但沙律吧既野都要试埋既😋沙律吧有餐汤（今日系龙虾汤），沙律，甜品。同埋佢期间限定，沙律吧好多都系泰式既野，例如木瓜沙律，凤爪沙律，冷面，粉丝，仲有泰式既甜品好似西米糕，同埋珍多冰！系西餐厅入面都真系几特别，都几值得一试😛😛😛两个人最后埋单500几，都几贵下，不过啲野都值呢个价既🥺