嫲孫樂 (環翠商場) (已結業)

今日受左好大打击，一定要食食食，结果我走左去柴湾嫲孙乐，豪食呀！望住个menu，叫最豪嘅综合牛肉面$68，有得加小食，紧系要加！加个台湾肠$18，饮品简单啲加左杯炭烧乌龙！先讲个小食，好抵食！原来$18系两条肠，卖相有心机，连埋蒜片金不换，成个台湾味出晒黎！再讲个面，面身好食，好咬口，系有小小痴住，有啲叠住两条既偏硬！汤底一般，牛筋其中一旧硬，其余都唔错！杯茶有惊喜，乌龙唔淡，炭烧味突出，下次可以试其他整体黎讲，好似我咁叫法系要经专人训练，坐系电视机隔离既观众切勿模仿，恐怕会饱到晕低！