影片
更多
2016-06-25
12706 浏览
话说今次帮衬前3个月book枱先有位，米芝莲3星绝非浪得虚名。放眼所见，虽然我哋冇幸坐窗口位睇维港靓景，但整体环境宽敞舒服，难怪唔少游客/ABC都慕名而来。讲返食物，老实讲其实同出面中高级酒楼点心分别唔算大((>﹏<)可能系我对佢抱太高期望，定系唔识食？？anyway, 水准系中上，但系咪值呢个价又系另一回事。。其中招牌菜龙景轩炒饭卖相金香，材料如带子粒同蟹肉新鲜充裕份量够，嗒真啲惹味得嚟仲有少少辣(但可接受)，伙记仲会细心为客人分开几碗饭上，值得一试。另一样值得写吓嘅系鲍鱼鸡粒酥，酥皮焗得香甜，内里系热辣辣嘅鸡丝酱，而面头原只细鲍酱汁香浓，配以弹牙鲜味嘅鲍鱼肉真系无可挑剔另外嗜甜嘅我点咗枫叶奶皇酥做甜品，贪佢个look系四季酒店个靓logo ja而佢亦非虚有其表，内馅嘅奶皇真系好香滑，又唔会过份甜腻，咬开时外层曲奇皮松化无比，两者加埋真系冇得输而事实上酒楼甜品之中我一直都最钟意类似嘅美点双辉，感觉上胜过任何糖水，细细件食多两块都唔会厌至于奉送嘅紫米糕同黑芝麻马仔都几好食，但比起我嘅至爱奶皇酥都仲系有段距离(^ω^)最后想讲，点心如果冇咁油腻会更好，例如上述炒饭同萝卜糕
讲返食物，老实讲其实同出面中高级酒楼点心分别唔算大((>﹏<)可能系我对佢抱太高期望，定系唔识食？？anyway, 水准系中上，但系咪值呢个价又系另一回事。。其中招牌菜龙景轩炒饭卖相金香，材料如带子粒同蟹肉新鲜充裕份量够，嗒真啲惹味得嚟仲有少少辣(但可接受)，伙记仲会细心为客人分开几碗饭上，值得一试。
另一样值得写吓嘅系鲍鱼鸡粒酥，酥皮焗得香甜，内里系热辣辣嘅鸡丝酱，而面头原只细鲍酱汁香浓，配以弹牙鲜味嘅鲍鱼肉真系无可挑剔另外嗜甜嘅我点咗枫叶奶皇酥做甜品，贪佢个look系四季酒店个靓logo ja而佢亦非虚有其表，内馅嘅奶皇真系好香滑，又唔会
过份甜腻，咬开时外层曲奇皮松化无比，两者加埋真系冇得输而事实上酒楼甜品之中我一直都最钟意类似嘅美点双辉，感觉上胜过任何糖水，细细件食多两块都唔会厌至于奉送嘅紫米糕同黑芝麻马仔都几好食，但比起我嘅至爱奶皇酥都仲系有段距离(^ω^)
最后想讲，点心如果冇咁油腻会更好，例如上述炒饭同萝卜糕咁。。今次叫咗少少嘢埋单两位都过千元，不过仲有好多首本菜尚未品尝，睇嚟等下次发咗达先再发掘吓喇~
张贴
