炑八韓烤 (已結業)

同契哥两个人撑枱脚，佢好豪咁话由佢请，咁我梗系有大食大啦~lol所以叫左个2-3人适用既龙虾尾套餐，野食非常丰富，而成个餐入面最令我难忘既系呢两样野：首先系芝士生蚝，佢地一只只好肥美咁放左入个锡纸兜入面，兜底装左满满既芝士，一边烧，一边睇住D芝士溶，然后只生蚝就浸左入去呢个芝士海入面，食既时候生蚝畀芝士重重包围，入口生蚝仍食到蚝味，同埋新鲜海产味。另外就系想讲下个炸酱面，劲多酱+青瓜丝+弹牙面条+蛋，简直系perfect match！