影片
更多
2017-07-28
84 浏览
同朋友差唔多一个月冇见，上星期揾日放工就即刻赶去荃湾，同佢食饭update下近况。𠴱日又系落大雨嘅日子，为免俾雨浸到成对鞋湿哂，我地决定都系留返喺商场觅食算。最后就去左千色汇食汉堡！舖头细细哋，不过好彩我地去到𠴱阵得3﹑4枱客，唔洗等位仲可以坐4人枱，坐得舒服啲又倾得开心啲。坐低发现原来依到仲有意粉食，不过平时钟情于垃圾食物嘅我地，当然二话不说地拣汉堡加薯条啦。menu上面有成11款汉堡，芝士牛肉﹑烟肉汉堡依啲基本野一定走唔甩，但Sixer Burger特别在有好多新奇组合既汉堡，好似鳗鱼汉堡﹑泡菜牛舌汉堡，仲有睇落个样超级豪华嘅龙虾牛肉汉堡！其实我个心有啲想试鳗鱼汉堡，不过又惊佢同汉堡包唔系好夹，最后稳阵起见都系叫左个牛肉啡菇芝士汉堡，同埋试下佢个龙虾牛肉汉堡，两个人share返都唔系好贵！加$18就已经有薯条/沙律+普通冷热饮品，但见到枱面个牌仔话加$32可以转做沙冰特饮，凭住要肥就肥到底嘅决心，我地最后决定齐齐饮沙冰。不过我朋友拣左水蜜桃荔枝沙冰之后，超霸道咁唔俾我拣同一杯，我唯有叫蓝莓菠萝沙冰，俾佢试哂两只味啦～首先到嘅系牛肉啡菇芝士汉堡，我想讲汉堡真系世界上最难驾驭嘅食物之一
舖头细细哋，不过好彩我地去到𠴱阵得3﹑4枱客，唔洗等位仲可以坐4人枱，坐得舒服啲又倾得开心啲。
坐低发现原来依到仲有意粉食，不过平时钟情于垃圾食物嘅我地，当然二话不说地拣汉堡加薯条啦。
menu上面有成11款汉堡，芝士牛肉﹑烟肉汉堡依啲基本野一定走唔甩，但Sixer Burger特别在有好多新奇组合既汉堡，好似鳗鱼汉堡﹑泡菜牛舌汉堡，仲有睇落个样超级豪华嘅龙虾牛肉汉堡！其实我个心有啲想试鳗鱼汉堡，不过又惊佢同汉堡包唔系好夹，最后稳阵起见都系叫左个牛肉啡菇芝士汉堡，同埋试下佢个龙虾牛肉汉堡，两个人share返都唔系好贵！
加$18就已经有薯条/沙律+普通冷热饮品，但见到枱面个牌仔话加$32可以转做沙冰特饮，凭住要肥就肥到底嘅决心，我地最后决定齐齐饮沙冰。不过我朋友拣左水蜜桃荔枝沙冰之后，超霸道咁唔俾我拣同一杯，我唯有叫蓝莓菠萝沙冰，俾佢试哂两只味啦～
首先到嘅系牛肉啡菇芝士汉堡，我想讲汉堡真系世界上最难驾驭嘅食物之一，次次都食到劲「呢hea」！不过佢依到嘅菇系超多汁，食落口劲juicy，一啲都唔dry。而且个包系烘到外脆内软咁，仲搽左一层牛油 喺入面，手工汉堡果然系无得比，好味。
跟住落嚟就要讲讲佢个高级龙虾汉堡喇～成条龙虾肉连龙虾尾摆上枱，望落已经觉得超足料，同menu个样系一模一样。龙虾煎得劲香口，肉质厚得黎又够弹牙，同个香草忌廉柠檬汁都几夹，个人认为依个包都算值回票价！
小食方面，我地一个叫左沙律，一个叫左薯条，沙律配黑醋汁冇咩特别。而薯条就系我钟意嘅连皮粗切薯条，所以最后俾我K.O.哂，哈哈！
不过唯一有点美中不足嘅就系两杯特饮了。唔知系落得太多糖浆定点，两只口味都偏甜，加埋咸咸地既汉堡食中和下都ok嘅，但单饮就真系太甜了，最后我都饮唔哂～
张贴
