翠華餐廳 (已結業)

难得今日休假，但系俾妈子晨七甘早就拉起身陪佢晨运，之后就嚟翠华食早餐，都唔明妈咪点解系都要嚟哩度食早餐噶，拒话够地道，但D服务真系麻麻地，我地9点左右嚟到居然有位，妈咪话唔想食A餐之类噶，于是就点左个鱼蛋河粉、猪软骨米线、猪仔包同奶茶。鱼蛋河粉：河粉几滑，清清淡淡咁，D鱼蛋好弹牙，新鲜，我觉得味度啱啱好，不过听到隔离个吖姐就话淡左D，可能拒食得咸D。猪软骨米线：汤好浓，猪软骨好软，够入味，不过就偏甜左D，D米线就几爽嘅，总嘅嚟讲都系麻麻地。猪仔包：卖相睇落又几得下啵，金金黄黄咁，有奶味，由于刚出炉，觉得烤得几脆下，唔错。奶茶：TVB经常演嘅早餐戏码都有港式奶茶嘅啦，仲系以前果只味，茶走少甜，茶味香浓，奶滑，饮左两啖，即时醒神晒。