炊豕店 (威靈頓街) (已結業)

同男友路过见到间几靓既餐厅，就入去睇下有咩食，发现尼间铺头全部都系食猪，而且价钱都合理。而且装修有种怀旧感觉。餐牌前后中英对照，就算游客入到铺头都可以点餐，系好贴心既设计。「秘制猪扒饭」超大块的炸猪扒，直情大过个碗，因为即炸，所以都好热，唔想甘热气就放一放凉。店家好贴心甘切开左个猪扒，等大家方便食。猪扒饭底系肉燥汁，用猪肉、酱油同葱煮，送饭一流，可惜个汁唔算多，饭量就超分量。「冲绳猪软骨饭」好足料既猪软骨，食极都仲有，猪软骨熬得好淋身好入味，所以食落好香口，而且个饭底充满酱汁，好岩汁控。「炸芝麻鸡翼」鸡翼布满七味粉同芝麻，闻落已经好香，咬落好脆口，鸡肉好滑，而且七味粉带点辣味。而且鸡翼无炸到干身，保留到肉汁。「椒盐鱿鱼须」鱿鱼须预先切细，所以可以一口吃，好贴心。饮品