Biergarten

营业中

休息中

好耐冇试过星期五晚可以安安乐乐出街食饭，一班朋友就话选择重新开放嘅尖沙咀区，咁高兴嘅日子，梗系要食得重型啲庆祝一下，于是就拣咗呢一间德国餐厅。听闻呢间野开咗几十年，主打德国食品同埋来自德国嘅啤酒，坐低𠮶阵未齐人，于是叫咗个香肠拼盘，一边食一边饮住啤酒等齐脚。讲真，香肠拼盘中规中矩啦，咁德国嘅香肠又真系味道唔错嘅，至于啤酒我哋就拣咗Bitburger生啤，呢只啤酒系德国嘅时候饮过，好好饮，有时超市都会见到有得卖，但系生啤就少啲机会喺香港饮到，入口好爽，𠮶种清澈嘅感觉难以形容。人妻之后我哋叫咗一个牛扒，另外唔少得嘅梗系德国猪手啦，个猪手做得好香，配埋德国酸菜真系好好食，我个人觉得一班朋友食住猪手饮住啤酒，此刻无价，希望以后都有安乐茶饭食啦。