莱茵河餐廳 (已結業)

荃湾真系越开越多餐厅，如果想食下西餐，又唔想食连锁餐厅嘅话，莱茵河都系一个唔错嘅选择。主菜未到，先来个黑松露薯条配啤酒。黑松露薯条几香，不过因为啲黑松露一旧旧，唔系每条薯条都点到，如果配黑松露酱可能会好啲。至于啤酒就类似Apple cider，酒味唔浓。薯条都差唔多食晒，主菜终于来喇。虎虾蟹肉龙虾泡沫意粉，卖相几特别，拨开层泡沫就会见到有好多蟹肉，绝不欺场👍🏼意粉红红地色好似蕃茄味咁，不过其实味道系偏甜嘅，我觉得今晚最好食就系呢个意粉👍🏼👍🏼最后主角德国猪手终于出场，侍应见我哋切得好狼狈，仲主动话帮我地拎入厨房切添，真系细心👍🏼猪手配左三个酱，最特别嘅应该系苹果蓉喇，甜甜地又冻冻地，果然可以令到猪手冇咁油腻。猪手皮都好脆，肉都几嫩。食物都几好食，但上菜就慢左啲喇😐