永華日常 (淘大商場1期) (已結業)

每次嚟永华都系食猪手捞，猪手用南乳煮，好入味，亦都好淋！猪手大概有3大旧，价钱好抵食！另外，有个杂扒餐，份量好大份，特别之处系可以铁板上，猪扒好淋，牛扒可以系铁板上面自己控制想食几多成熟，仲有鸡扒都好大块，杂扒餐入面有三块大肉扒，一份可以2个人甚至3个人分嚟食，饱肚感十足。咖哩饭系列，咖哩比起一般咖哩系辣好多，如果大家黎到食咖哩记得细细啖试一试先呀，今次试左咖哩鸡饭，份量好多，都系好食架。饮品特别推荐红豆奶茶，红豆好好味，一粒粒咬感好好，奶茶系港式奶茶味，好好饮！