合發茶餐廳

营业中

休息中

好耐冇帮衬。今次都唔系特登嚟, 只系嚟开附近做啲嘢, 咁啱经过就食个午餐。点咗两个餐1) - 香煎猪扒米粉(番茄浓汤)、火腿奄列、牛油餐饱、配热奶茶。猪扒真系冇得顶, 厚切, 非常鲜嫩, 令人回味。番茄浓汤就.. 普通啲,唔系「浓杰」𠮶种。火腿奄列及牛油餐饱, 正常。热奶茶,「 奶」多咗, 冇茶味。(2) - 酥炸大鸡髀配薯条、冻柠茶。鸡髀嘅腌料好似有(好浓嘅)南乳嘅味道, 太咸之余味道古怪, 我唔敢话佢个鸡髀唔新鲜, 但好好地一只鸡髀要用咁浓味去腌制, 的确可疑。鸡髀嘅肉质亦比较干硬。薯条都系太干身。冻柠茶, 正常。