越港正宗越南湯粉

营业中

休息中

OT完八点几想揾嘢医肚，误打误撞入咗呢间越式粉面店，同事嗌咗火车头汤金边粉，本来食越南野无理由唔食生牛河，但我太肚饿，就叫咗猪扒捞檬。猪扒捞檬块猪扒好松化好Juicy 好入味，个檬粉配埋越式酸辣汁味道恰到好处，檬粉既质地软硬适中，连埋啲生菜、腌青瓜、红萝卜丝，口感好清爽，唔似我食过另一间越式捞檬好油腻。同事就话个火车头汤底好浓味，食得出好足料，佢最后仲饮晒啲汤。后来有四个韩国游客入嚟食嘢，好彩有位熟客帮老板翻译同佢哋落单，见到佢哋食春卷食到举晒手指公咁，睇嚟都好有水准，下次再试。