熾工房 (已結業)

你地有几耐无返过母校？之前经过母校就系正学校隔离见到呢间小店，眼见价钱尚算合理，网上评价都几好，胆粗粗入去试吓。猪扒包卖相好靓，猪扒味道有啲辣辣地，夹埋有大量红白萝卜丝，少少酸带少少辣，超惹味，最正系个包原来系脆身，一咬入口多重口感，劲好味，超有惊喜。配菜有大量新鲜生菜，配埋酱汁好好味，而且化解到食汉堡包嘅油腻感觉，本身餐牌系跟洋葱圈，但我改咗做薯条，加几蚊有埋个黑松露酱，味道即刻大大提升。估唔到食汉堡包都可以见到我最爱嘅芫荽，汉堡包配薯条，始终好似好热气，饮呢杯芫莤梳打特饮，味道非常清新解渴之余好似清下热气咁，感觉好爽。