開心小敘

营业中

休息中

星期二中午时间，餐厅坐满晒食客，需要等位，不过大约5分钟就有位。喺元朗，开心小叙已经有三间分店，佢嘅猪扒饭比较出名，今日试下 时菜猪扒饭🥬🐖🍚，配热柠水🍋（$57）。见到好多食客都食招牌开心猪扒饭～🐖🍳🍳🍚 食客都可以按自己喜好，选择唔同食材嘅配搭～🐖🍚猪扒饭好大碟，饭好多～ 枱上有豉油汁，可以自己按需要加。猪扒大块，预先剪好一条条，方便食，好细心。猪扒煎得香口，肉质软熟，有肉汁，唔会太干身，够入味，加埋豉油汁就会偏咸少少，猪扒好食，但未去到好惊艳。时菜份量都好多，每条🥬菜都沾满油，菜新鲜的。店员都好快手，同主动帮你落单，执拾枱面。由于座位比较狭窄，有少少挤迫，适合中午食个快餐。