丼吉日式吉列豬排專門店 (新城市廣場一期)

营业中

休息中

今日嚟沙田新城市广场行街，行过Tonkichi猪扒专门店，就入去试吓，我同老婆点咗一个二人套餐，同埋一个大刺身。首先嚟咗饮品同小食，啤酒送炸软壳蟹一流，软壳蟹香脆，我老婆拣咗巨锋提子汁，冰冻又解渴，店员推介我哋有套票优惠，计过几着数，就决定买$3000有$3600嘅现金券，等于85折，都几抵。跟住嚟一盆刺身，油金鱼、吞拿鱼、带子都好新鲜，最吸引就系海胆，味道浓郁，正。跟住上主菜，有松脆嘅猪扒，而猪柳香脆得来肉质又好林，炸蚝外脆内里Juicy，炸得啱啱好，Yummy，炸虾都好好食，仲有白饭任装，椰菜丝任添，食到饱饱。最后，店员送上西瓜同甜品，西瓜清甜多汁又解渴，食埋个雪糕，好满足，下次再同屋企人嚟食，可以用coupon埋单。