雞朱寶 (已結業)

之前行华都唔觉意经过，见到间食猪扒但劲多人等位食，仲要有啲客人几十度坐室外都照食，就知有啲料到，于是我们就揾日专程去试下，以为好好彩我哋坐室内，点知近门口张枱系好微弱嘅冷气，唔紧要照坐，我哋叫了胡椒猪肚鸡汤饭和猪扒蛋饭。胡椒猪肚鸡汤饭: 汤底够胡椒味足料，唔似出面啲食肆汤底稀，佢系够晒胡椒阵chur feel, 猪肚正常弹牙啱数，鸡够嫩滑，唔错好食。猪扒蛋饭: 猪扒配蛋已经系绝配，猪扒上加了佢哋自家制甜豉油，最好就系佢惊你唔够已放了枝豉油喺枱面，可比你自己任落，蛋汁捞落啲饭度已经够晒滑溜，而猪扒亦很软滑，因为佢拣了痴住少少肥嘅猪扒，所以食落唔会痴牙好嫩滑，值得一试 ^ ^ 餐饮叫了冻奶茶和冻柠茶，冇乜特别 。