春潤堂

营业中

休息中

行过路过唔好错过系列，呢间都算系太子名物，行过见到竟然唔洗排队就立即走入去食返碗猪油渣面。我叫咗猪油渣加猪大肠加猪皮的油面，$49大大碗，仲加咗沙嗲汁。呢间小店最出名系猪油渣，所以系必点嘅，味道真系唔错，几足料都有几多猪油渣。佢呢度嘅猪大肠同平时食到嘅好唔同，虽然洗得好干净，不过我自己就钟意平时食到烟烟韧韧𠮶种而唔系比较爽口嘅呢种。猪皮都够入味，爽口，都几正。估唔到碗面包埋韭菜腐皮同芽菜。