維記咖啡粉麵

营业中

休息中

闲日去开深水埗买野，经过维记又见唔洗等位就入去试下啦！望望餐牌先，有面，有通粉，有米粉，但竟然连意粉都有。不过安全起见，都系拣最出名嘅猪润配通粉($30)啦！碗野黎到卖相就麻麻地喇，碗边多血污，汤面又有浮泡，不过都试下啦。汤底尚算鲜味，通粉都恰宜，唔会太淋。但最出名嘅猪润就真系令人大跌眼镜，唔系话难食，但真系名过其实：首先猪润冇洗清血污，成碗野都被污染；另外食到有小小姜味，我估猪润用姜汁腌过，虽然唔腥，但口感亦都唔爽；猪润份量系多，但唔好食嘅野比再多都冇用。希望只系今次水准下降啦，下次试过其他，希望会有改善。