新來發 (新來記食品) (已結業)

睇食评话呢度有茄润面好正. 即刻去试下先晚市, 两个人叫左个猪润米, 猪润通, 加一碟小菜, 百花酿大肠 (原先谂住叫烧鸡, 不过话卖晒 ), 真系有惊奇猪润够厚够好味, 味道同维记唔同, 无维记咁浓, 清少少, 好好味茄汁好甜好正, 唔系好西式的茄味 (即系唔系酸酸地似茄膏o个d 味), 系好中式的茄味, 真系自制唔似加茄膏, 感觉几特别. 同星座的茄汁唔同 (虽然星座话自己唔落茄膏, 但食落都系似茄膏味, anyway, 佢都好好味). 配米粉一流, 但配通粉, 通粉煮得一般, 个汤有几大阵面粉味, 盖左少少茄味, 下次试埋汤饭睇下好唔好味 百花酿大肠, 睇个名估唔到系点, 唔通系一圈圈的猪大肠入面酿d 肉? 制作需时, 等左好耐, 终于上碟. 原来系大肠切开打平做个底 (好似酿红肠咁), 面头酿左好多肉碎 (应该都系虾肉猪肉o个d 喇). 猪大肠, 好肥? 原来又唔系㖞, 主要净系留番瘦的部份, 去左多余的肥膏, 好味得黎未至于好唔健康 几种味道都带来左新的感觉, 第二度真系未必试到呢d 味