港嘢茶檔 (已結業)

喺佐敦附近谂住揾个地方食晏，上OpenRice见到呢间餐厅，印象中以前喺九龙城食过佢嘅猪膶面，觉得唔错，就走咗入去。睇餐牌，茶餐厅嚟讲，价钱都几贵，唔算有午市套餐，一个饭都要80几蚊起，叫咗个猪膶面，好似大约50蚊，唔包饮品。另外一个牛扒餐就百几蚊，就有饮品跟。牛扒餐就系以前嘅港式西餐，都系松肉粉牛扒，不过质素又唔算太差，而且份量劲大。猪膶面啲猪膶系厚切，份量都几多，配上出前一丁，劲饱。其实食物质素都可以，不过定价就比较高，而且要搭枱，因为佢系长枱为主。坐得唔算舒服。如果讲午市同埋晚市未必会回头，因为性价比实在唔高，早餐下午茶可能再试吓。