麵尊

营业中

休息中

之前经过铜锣湾面尊好多人排唔到，男朋友话以前食过好好味好想食，我就未食过。个次去香港仔见有分店，安排左个行程我去试试有几好食，佢就去encore心心念念既面尊，可惜大家都失望了。12点半去到，我地以铜锣湾standard去谂仲以为要排队，点知入面系未满仲有位既。大尊 麻辣酱猪皮萝卜我觉得系出色既，猪皮软同胶质到啫喱咁，萝卜清甜无渣。不过鱼蛋猪红红肠就劣劣地喇，觉得唔OK。个汤底我地一致认为麻辣酱好食啲。咖哩鱿鱼猪颈肉紫菜 咖哩酱咖哩味无乜但水鱿质地都淋，唔错。猪颈肉就好普通既卤水猪颈肉。紫菜都正常。呢碗就所有野都正常普通，平均啲。另外，个辣椒油几好食，可以试下加少少。同埋姐姐几好人，餐厅本身都系可以免费加汤，我哋叫左加一碗，点知佢主动帮手两碗都加晒。加汤之后饮下发现都清甜既。结论，普通OK既街坊车仔面店，唔明点解吹到好劲咁铜锣湾又排长龙。