美珍香

营业中

休息中

放工返屋企经过呢间店舖，闻到好香嘅肉香味，有咁岩口痕，咁就买咗少少猪肉干同牛肉干返屋企食。讲真价钱其实都贵贵地，几百蚊买唔到几多。 包装里面会有卡，写低点样存放啲肉干，同埋食用嘅方法。就咁食嘅话就会油腻啲，整热食就会好味啲，增加佢嘅香气同肉汁。 猪肉干似烧烤酱汁嘅味道，唔会话干争争，咬落口其实都易咬，唔会太硬，整体嚟讲其实我觉得猪肉干会好食过牛肉干。 牛肉干果种牛肉汁冇咩问题，不过肉质会比猪肉干偏硬少少，要有番少少牙力先咬得开，而且会更加偏油腻，冇猪肉干咁juicy。