18巷泰國餐廳 (已結業)

突然想食豬肉生菜包，所以就上網搵左呢間餐廳。我地2個人，所以點左：泰式生蝦、豬肉生菜包同炒金邊粉。上菜都幾快，傾左一陣計就黎左泰式生蝦。泰式醬汁好惹味，夠哂酸酸辣辣生蝦都幾厚肉，不過食落淋左d。如果可以冰凍d嘅話，會更加好。下一道就係我最想食嘅豬肉生菜包，亦都係每次食泰國菜必點嘅一道。肉碎份量好多，每片生菜都可以包大量嘅肉碎，正D肉碎多到差d 2個人都食唔哂。最後一道係炒金邊粉。炒金邊粉入面都幾多料，食落仲有d菜脯，味道幾夾。整體來講，係中規中矩嘅泰國菜。