意軒

营业中

休息中

土瓜湾实在太多平嘢食，所以如果要60蚊食个晏，对于土瓜湾打工仔来讲要求就比较高啦！呢间意粉屋地方细细，一个厨师兼做埋侍应，之前我试过佢嘅卡邦呢意粉同忌廉汤，印象中卡邦呢唔够香浓，而个汤直头系罐头汤，我记得仲要加钱的。今次叫咗肉酱意粉$58包个汤或纸包饮品，我都系要咗汤，今次系杂菜汤，好似沟左好多水翻㷛，好淡冇味道，亦冇乜杂菜汤渣，肉酱意粉好食，肉酱同意粉分量配比刚刚好，唔知系咪因为用猪肉味道有少少唔同，仲有唔热嘅蒜蓉包不过都算好食，希望厨师谂下点样整好个汤，如果唔系就直接送饮品算。