港興大飯店

营业中

休息中

呢间中菜馆好耐以前睇报纸介绍过，一直冇机会试，有时去大围踩单车都会经过，知佢开咗好多年系老字号。今日晚饭终于有机会试到，环境非常之残旧，有啲污糟，但见佢座无虚席，食物质素相信不错。我叫咗三𩠌一汤，梅菜扣肉，炸大肠，炸腐皮卷，腐竹猪肚汤。梅菜扣肉比我想像中做得冇咁好，扣肉尚算可以，唔太肥食落， 但梅菜太咸仲带一啲酸味，我唔知系佢做得唔好定系本身系咁，反正唔太啱我口味。炸大肠同炸腐皮卷都好食份量好足够，无可避免有啲太油腻，唔可以食太多，如果人数多啲分享一齐食会更加好。猪肚汤系我最满意嘅，猪肚唔会太难咬开，个汤煲到好鲜甜，亦都有啲白果喺里面。价钱俾我想像中贵，用呢个价钱都可以有好多选择，而且环境唔太卫生感觉。