飯廳 (已結業)

食品认真麻麻，蒸猪膶蒸到好似橡胶咁，食到我好辛苦，可能用腌肉粉太多了。云吞面枧水味劲大，可能个面只是放在水中过过河而尔；D醋可能加用白醋精开，无用传统靓浙醋或米醋，真的令人失望。云吞味精又多，当晚食完翻屋企肚疴。另外试烧味，D叉烧糖仲多过糖醋排骨，难食到乜咁。烧鸭皮甩开，蒸䲝鱼好难食，根本唔觉新鲜。兼且试过2次老板款眼镜男态度极差：有一次见佢叫个带住小朋友的女士让位比另外一人，瞪大双眼，以极度讨厌的态度叫她坐入啲，使唔使啊？简直过份！另一次本人问一下菜单上的资料，他就以臭串态度答… 不会再去！人品如此，食品好得去边？