碧士文 (Sugar+) (已結業)

见到香港01介绍，星期日嚟呢度食下午茶，试咗猪汉堡包及芝蛋多士。舖头虽然系好细，但布置好有心思，虽然冇影到佢啲墙上装饰，但去番佢个page都会有好多相，好有特式，个店主好有心思。食物选择其实系算多，有饭类、汉堡、多士、薯条等等，亦有啤酒汽水饮品。呢个系芝蛋多士，个面包有少少甜，但唔系太甜𠮶种，成份多士热辣辣新鲜整出嚟，啲芝士溶哂落啲蛋度，好滑好香，啲味好夹，好好食。猪扒汉堡包，冇叫double手打猪肉，因惊食唔哂。件猪扒够淋、啲肉唔鞋、好入味，同埋啲生菜好新鲜系脆嘅。两样嘢系$93蚊，咁嘅质素，觉得好抵食。包装亦好细心。会再帮衬。