尖仔記麵食

营业中

休息中

早排带个外国朋友去食咗贵夹唔饱嘅咏藜园担担面，今次带佢去食地道香港嘅面，车仔面！尖仔记搬咗新铺后都未帮衬过，就衬今次帮衬吓，新铺环境更大更光威，揾位更方便。外国朋友睇完个餐牌，问幼面同生面有咩分别，即时俾佢考起！原来一款有碱水另一款无碱水，但唔记得边只面系有碱水噜。外国朋友又问，汤底已经系猪骨汤，点解重要加牛腩汁，蚝油汁？又考起我！同外国朋友食饭真系一个好开心同增加知识嘅经历。每次黎尖仔记，不得不点猪软骨，一来好多车仔面无哩款𩠌提供，二来尖仔记亦做得出色，软骨够冧猪肉够入味。尖仔记嘅猪肠相信唔系个个人接受，佢保留果种猪肠独有嘅腥味，但猪肠洗得好干净。咖哩鱿鱼须系第一次点，咖哩够入味，只系口感靭咗少少。