民華餐廳 (已結業)

突然想食下茶记，就去左呢间民华餐厅食。猪软骨饭 $47有一碗猪软骨同埋一只煎蛋，份量都几多。煎蛋几乎全熟，冇乜特别。但个猪软骨反而几有惊喜！好多时喺外面茶餐厅或者米线舖食到嘅猪软骨都可能熬得唔够耐，软骨太硬，搞到咬得好辛苦，最后好似食排骨咁，都系食唔到旧软骨。但呢到嘅猪软骨煮得够淋，好轻易就可以食到成旧猪软骨。亦都有三、四大旧。个汁都唔错，捞饭几夹。招牌叉烧煎蛋饭 $43虽然系招牌，但其实个叉烧唔系特别正。大约有六七片叉烧。只鸡蛋系太阳蛋，一笃就可以流晒啲蛋汁出黎，捞埋啲酱油同饭都唔错嘅。