香辣屋 (已結業)

星期六八点几同老婆行到去旧食街，见好耐无食过泰国菜就走去睇下有无位。以前呢度旺日真系订左位都要等，walk-in 谂都唔使谂！但而家唔单止有位，仲系好多位果只，可见市道有几唔掂。<br>叫左炒通菜、猪颈肉、炒贵刁同鸡丝檬生菜包。炒通菜、猪颈肉、炒贵刁都有一贯水准，鸡丝檬生菜包虽然系头盘但份量几大，微热的檬粉加埋手撕鸡包入生菜食，清清地几好味。<br>埋单两佰蚊唔使。值得一赞就系待应的服务态度非常好，唔该前唔该后，反应又快，令人有宾至如归的感觉。