影片
更多
2023-04-26
54 浏览
原来葵芳都有猫🐈café, 仲要离地铁站唔远, 葵芳商场一落天桥就到工厦门口 ，大约7-8分钟距离, 好近呀! 上到去门口有哂指示话比你听边度入, 入去第一个闸有个counter, 店员会讲清楚收费, $50/1 小时；$100/2 小时；$150/ 全日, 仲会提醒下其他注意事项, 再入第二个闸, 好安全。我地玩紧嘅时候又会同我地分享下平时同猫咪嘅相处。另外, 大家仲可以系另外葵广小食店食物可以带去猫猫café, 路程只需5分钟, CP值极高。又或者系度叫汉堡包、Pizza、饮品、小食, 一边食一边同猫玩。环境方面, 空间都好大, 呢度有成超过40只嘅猫猫呀! 睇睇下, 有几对都好似, 原本全部都有亲属关系呀! 系另一间玻璃房外面贴有几幅family tree + 猫猫关系图。家族关系图太大了, 搅到我有啲乱呀! 只只都有名呀, 但太似样, 真系好难分到边只打边只呀! 近第二个闸旁有个玩具柜, 有大家系度gathering时玩嘅boardgame及猫🐱玩嘅玩具。呢度嘅猫猫都比较痴人, 基本上你拎啲玩具引下佢地, 佢地就会同你互动。我最钟意有只小肥灰色嘅英短, 好靓仔, 又痴人, 成日
另外, 大家仲可以系另外葵广小食店食物可以带去猫猫café, 路程只需5分钟, CP值极高。又或者系度叫汉堡包、Pizza、饮品、小食, 一边食一边同猫玩。环境方面, 空间都好大, 呢度有成超过40只嘅猫猫呀! 睇睇下, 有几对都好似, 原本全部都有亲属关系呀! 系另一间玻璃房外面贴有几幅family tree + 猫猫关系图。家族关系图太大了, 搅到我有啲乱呀! 只只都有名呀, 但太似样, 真系好难分到边只打边只呀!
近第二个闸旁有个玩具柜, 有大家系度gathering时玩嘅boardgame及猫🐱玩嘅玩具。呢度嘅猫猫都比较痴人, 基本上你拎啲玩具引下佢地, 佢地就会同你互动。
我最钟意有只小肥灰色嘅英短, 好靓仔, 又痴人, 成日都爬系我隔离。呢度啲猫🐱每只都好有性格, 但只只都任摸唔嬲。仲有一只比较肥, 我以为佢有咗, 点知原来佢好为食, 食到个肚腩揼落地, 粮食放题得佢一个不停食。另一只浅啡色长毛, 行出嚟好有霸气呀, 好似大佬咁。仲有一只不停叫, 店员话佢发情期, 叫我地小心佢, 怕佢爪你。店员已经熟哂佢地啲皮性, 比哂温馨提示。静静坐系度睇下佢地走嚟走去玩下, 跳下, 追下, 都几治愈呀!
大家可以去支持下, 环境清静, 学生更可黎温书print野, 都系一个好嘅自修室呀! 猫🐈café嘅收入拨作支援救援浪浪用途。大家嚟猫Cafe 都记得好好跟足指引, 保障返猫同自己嘅安全啦!
张贴
