Uncle Pizza, Pasta & Grill (已結業)

中环既苏豪区仍然布满好多欧式风格小店，但系我今次拣既「Uncle pizza」 最主要原因系佢系有个镇店之宝「猫主子～大眼仔」，好乖、好听话，唔咬人，唔怕生保，钟意猫猫既你一定要黎探下佢啊☺️店内有大约10张枱，坐得都舒服，等食物的时候同店主都倾左一阵间，佢同我哋分享同「大眼仔」相处既点滴，佢哋真系好有缘份。意式炸鱿鱼圈$88炸浆非常脆口又唔油腻，食完一啲都唔滞，鱿鱼肉质弹牙，配上千岛酱非常开胃。黑毛猪风干火腿无花果蓝芝士沙律$148新鲜的沙律菜配上醋汁，是永远的绝配，干火腿好薄，所以唔会太咸，同无花果一齐食，咸咸甜甜都搭配。夏威夷森林$158材料有森林火腿、菠萝、马苏里拉芝士、车打芝士，pizza饼底香脆，整体来说好食既，不过一定要衬热食，冻左饼底冇咁脆就差少少。