影片
更多
2023-05-02
734 浏览
#猫之眼 #猫之眼日式酱汁饭专门店 经过左甘多次，终于有机会有时间食到猫之眼了。事源果日上午请左个假，考完试仲有时间食完饭先返工，于是我就揾埋朋友陪我食饭，难得佢有时间可以排队。无错食猫之眼的话，接近lunch hour 都系要排队的！佢哋虽然铺头吾算好大，但系人流量都好多同快既，都系果句「预时间」。 总之行到果条街，见到有人排队就系猫之眼。佢哋最出名既系蛋包饭，听闻汉堡扒都吾错，所以我大手一挥，简左个三位数既咖哩猪肉和牛汉堡蛋包饭 。 外观上黎讲，三种颜色真系好靓，颜色分明，卖相真系好吸引。 味道方面，食落咖哩味香浓，偏日式咖哩味道之余又带点更香浓既味道，猪肉片软口，带有少量红萝卜同薯仔，同饭一齐食是绝配，米饭应该系日本米，食落粒粒分明又带点黏性，滑蛋放咗系米饭上面，加埋咖哩一齐食，又系别有一番风味！和牛汉堡食得出好重既牛既鲜味，食落啖啖牛香味，松软得黎又吾会好空虚。酱汁方面配搭得岩岩好，甜咸甜咸既酱汁，增加了汉堡既风味！ 朋友叫左咖哩猪肉忌廉鸡肉蛋包饭 ，卖相同样好靓，三色分明，味道方面应该好好食，因为我哋都清晒碟😂😂 餐厅提供清水，其他饮品就是常见既可乐冻柠茶
经过左甘多次，终于有机会有时间食到猫之眼了。事源果日上午请左个假，考完试仲有时间食完饭先返工，于是我就揾埋朋友陪我食饭，难得佢有时间可以排队。无错食猫之眼的话，接近lunch hour 都系要排队的！佢哋虽然铺头吾算好大，但系人流量都好多同快既，都系果句「预时间」。
总之行到果条街，见到有人排队就系猫之眼。
佢哋最出名既系蛋包饭，听闻汉堡扒都吾错，所以我大手一挥，简左个三位数既咖哩猪肉和牛汉堡蛋包饭 。
外观上黎讲，三种颜色真系好靓，颜色分明，卖相真系好吸引。
味道方面，食落咖哩味香浓，偏日式咖哩味道之余又带点更香浓既味道，猪肉片软口，带有少量红萝卜同薯仔，同饭一齐食是绝配，米饭应该系日本米，食落粒粒分明又带点黏性，滑蛋放咗系米饭上面，加埋咖哩一齐食，又系别有一番风味！和牛汉堡食得出好重既牛既鲜味，食落啖啖牛香味，松软得黎又吾会好空虚。酱汁方面配搭得岩岩好，甜咸甜咸既酱汁，增加了汉堡既风味！
朋友叫左咖哩猪肉忌廉鸡肉蛋包饭 ，卖相同样好靓，三色分明，味道方面应该好好食，因为我哋都清晒碟😂😂
餐厅提供清水，其他饮品就是常见既可乐冻柠茶咖啡。
小食方面未试过，下次试完再评价。
性价比方面，本人觉得是可以的，呢个价钱食物品质都吾错，要排队都系无可厚非的，是值得既！
张贴
