影片
更多
2023-05-30
415 浏览
大家都知我系动物控，屋企亦养左4-5种宠物，唯独猫猫养唔到，因为怕喺露台偷走😵💫其实我细个有养过猫，仲有帮猫猫接生既经验，咁多年后印象仲好深刻，亦因为咁我从小就好喜欢养宠物。养唔到又想玩猫，除左去朋友屋企，另一个方法就系去猫猫Cafe。位于葵芳工厦的《叹杯猫茶》就可以俾爱猫既朋友过足瘾。驻场猫猫超过30只🐱，真系总有一只喺左近，啲猫当晒自己屋企咁，餐枱、餐椅佢哋都会自由上落，食食下野突入陪你开餐都唔洗大惊小怪🤣依度啲猫都好温驯，有啲仲好亲人添🩷猫Cafe主力玩猫，但都有食物供应既。以小食为主，亦有Burger餐，唔会食唔饱。食物即叫即制，玩住猫耐心等候就好了。#牛肉汉堡 $48🍔，跟餐加$25有 #辣薯角，咁样一set先似样，burger大大份都几有份量，块牛肉都好厚，口感唔会太实，味道都唔错，一份可以2个人分享，因都真系几大个。薯角炸香脆，有少少辣粉，不过唔算辣，一般人都一定食得到。#盐酥鸡粒 大大盘$30几抵食，脆卜卜热辣辣，每块都几大件，唔岩只食到炸粉，鸡肉都几嫩滑。#炸鸡软骨 $30/ 3串，面层洒了椒盐，惹味又有嚼劲。#一口爆汁小笼包 $30/5只，用气炸做法，有少少缩左水
养唔到又想玩猫，除左去朋友屋企，另一个方法就系去猫猫Cafe。位于葵芳工厦的《叹杯猫茶》就可以俾爱猫既朋友过足瘾。
驻场猫猫超过30只🐱，真系总有一只喺左近，啲猫当晒自己屋企咁，餐枱、餐椅佢哋都会自由上落，食食下野突入陪你开餐都唔洗大惊小怪🤣依度啲猫都好温驯，有啲仲好亲人添🩷
猫Cafe主力玩猫，但都有食物供应既。以小食为主，亦有Burger餐，唔会食唔饱。食物即叫即制，玩住猫耐心等候就好了。
#牛肉汉堡 $48🍔，跟餐加$25有 #辣薯角，咁样一set先似样，burger大大份都几有份量，块牛肉都好厚，口感唔会太实，味道都唔错，一份可以2个人分享，因都真系几大个。
薯角炸香脆，有少少辣粉，不过唔算辣，一般人都一定食得到。
#盐酥鸡粒 大大盘$30几抵食，脆卜卜热辣辣，每块都几大件，唔岩只食到炸粉，鸡肉都几嫩滑。
#炸鸡软骨 $30/ 3串，面层洒了椒盐，惹味又有嚼劲。
#一口爆汁小笼包 $30/5只，用气炸做法，有少少缩左水，爆汁就唔太觉，但味道系好食既，皮唔会好干，啲饀都系juicy既。
饮品选择唔多，得波子汽水同可乐，但我觉得都OK既，配小食岩晒。
夜晚会有啲义工黎陪猫玩，睇得出唔系绝为赚钱既猫Cafe，收入亦会拨作支援流浪猫用途，值得支持下🫶🏻
张贴
