貓喵堡 (已結業)

难得的好天气，同妈咪出街去尖沙咀行街街。行到攰既时候，谂起之前朋友介绍既动物CAFÉ—猫喵堡。所以就拉著妈咪前往CAFÉ寻猫一番了。一入到餐厅就见到大大小小既猫咪满布店铺既四周，最难得既系猫咪们都好乖巧，又唔会怕人类，当拎起店内既玩具佢地都会同客人玩，俾到一种除左食野之外仲可以同猫咪有互动既餐厅新食法。至于野食方面，因为妈咪想食得健康又够饱肚系，店主介绍左台式卤肉饭，果然卤肉饭上有不同种类既蔬菜，而且仲有溏心蛋奉上，妈咪食完之后都话肉汁都好好味，好有口感。而我就叫左个慢煮牛柳螺丝粉，因为慢煮既关系，店员有同我地讲制作需时。等左一阵之后，先试一口螺丝粉，发现螺丝粉有著香浓既蘑姑汁香，超好味! 再试牛柳，清楚明白到等待既价值，慢煮牛肉果然系会有不同既口感同味道，非常之鲜嫩多汁，极推介俾大家。另外我地各自点左一杯饮品，我点左名为蓝天特饮既野饮，真系名副其实系蓝天既颜色，颜色系我最钟意既色，见到都好开心，饮第一啖系一种乳酪既味道，再慢慢饮其实系类似波子汽水，真系十分唔错～而妈咪就点左女士最适合饮既韩国桂圆红枣茶，口感甜甜，红枣味浓，仲有几粒桂圆，非常滋补，系最岩养生既朋友饮。