毛所樹樹

营业中

休息中

放工无所事事又想要正能量，最好就系去长沙湾缅因猫奴朝圣之地「毛所树树」吸猫。cafe环境宽敞，而且全店干净整洁冇异味。我哋先叫咗2杯饮品 ，「Thanks God It’s Friday 」苦中带甜，好乎合打工仔心声；Flat White咖啡香滑冇酸味，个人十分喜欢。正当我哋四处同猫猫打卡之际，部分猫主子便趁机走到我哋座位上，进行物品大搜查，非常可爱。服务员话cafe最近update左新menu, 多咗几款素食可以拣，于是我哋都叫咗个经典炭烧（素）牛肉汉堡配薯条试吓。汉堡软熟多酱汁，内里大大块菠萝，正好中和返牛肉味道，大啖食都唔觉腻。烤焗法国黄油鸡配薯菜烧汁，黄油鸡香口惹味，外脆内嫩，令一心想吸猫嘅我哋分身不暇。甜品我哋食埋个蓝莓芝士Muffin，为这个有猫陪伴嘅晚上划上完美句号。推介需要正能量嘅各位猫奴，快啲嚟猫猫cafe亲亲主子啦。