影片
更多
2018-05-02
3911 浏览
位于观塘工厦嘅梅子猫舍，今次系第二次黎。上次系朋友带黎饮过一次野，感觉几好。所以今次带女友一齐食饭。同呢度d 猫咪玩下。虽然Openrice 系一个讲饮讲食嘅地方，但如果单凭食物方面去评定一间猫咪cafe 好唔好，又真系唔够全面。作为一位猫奴，我会以环境、食物质素、猫咪亲切程度、同埋老板系善待动物程度去评定一间猫Cafe 嘅质素。环境方面： Overal 环境都ok ，干净净齐，放左好多猫猫摆设，仲有梅子猫舍一家猫猫嘅唔少相片。入面地方唔算大，座位系木枱木櫈为主。但好大机会因为猫而唔可以放梳化之类。呢个可能非猫奴嘅人唔会理解。厨房同待客嘅地方系有窗同门分隔，唔惊猫咪走左入去发生意外。屋顶仲有d 小通道比猫咪走动。当你揾唔齐佢地猫咪一家，你可能系屋顶见到XD . 呢个设计对猫咪黎讲都几好，因为有人客令佢地好惊嘅时候，可以比佢地跳上去避一下。食物质素：猫咪Cafe 食物不嬲好难作为重点，不过佢地煮嘅野其实都唔错。我地今次叫左个All Day Breakfast 同埋一个番茄忌廉鸡肉意粉伴半融车打芝士。 两个我地都叫左Set . 包一杯$42 以下嘅饮品。呢度好处就系冇限时（但有最低消费
虽然Openrice 系一个讲饮讲食嘅地方，但如果单凭食物方面去评定一间猫咪cafe 好唔好，又真系唔够全面。
作为一位猫奴，我会以环境、食物质素、猫咪亲切程度、同埋老板系善待动物程度去评定一间猫Cafe 嘅质素。
环境方面：
Overal 环境都ok ，干净净齐，放左好多猫猫摆设，仲有梅子猫舍一家猫猫嘅唔少相片。入面地方唔算大，座位系木枱木櫈为主。但好大机会因为猫而唔可以放梳化之类。呢个可能非猫奴嘅人唔会理解。厨房同待客嘅地方系有窗同门分隔，唔惊猫咪走左入去发生意外。屋顶仲有d 小通道比猫咪走动。当你揾唔齐佢地猫咪一家，你可能系屋顶见到XD . 呢个设计对猫咪黎讲都几好，因为有人客令佢地好惊嘅时候，可以比佢地跳上去避一下。
食物质素：
猫咪Cafe 食物不嬲好难作为重点，不过佢地煮嘅野其实都唔错。我地今次叫左个All Day Breakfast 同埋一个番茄忌廉鸡肉意粉伴半融车打芝士。 两个我地都叫左Set . 包一杯$42 以下嘅饮品。呢度好处就系冇限时（但有最低消费 ）你钟意座几耐都得。我地因为早到， 唔想咁早食野住。所以先叫左饮品。同猫咪玩一阵，饿d 先食野。小店就有呢度好，服务系可以比较弹性。先黎All Day Breakfast ，有蒜香多士，炒蛋，猪肉肠，香肠，栗米，烟肉同沙律。 食物处理得好企理，d 肠唔会煎到油滴滴。蒜香多士唔系好脆但都够蒜味，炒蛋就可能淡少少。沙律菜都好新鲜。算系唔错。跟住再黎番茄忌廉鸡肉意粉伴半融车打芝士，呢个一上菜个卖相几好。上面仲烧左两条意粉做装饰。而味道其实我都觉唔错。有少少似平时食Pizza嘅味道。因为汁算几多，所以食起鸡肉上黎都唔会觉得干。如果黎到呢间Cafe 我会推介食呢个意粉。
番茄忌廉鸡肉伴半融车打芝士意粉
217 浏览
0 赞好
0 留言
All day breakfast
167 浏览
0 赞好
0 留言
猫咪亲切程度：
呢间猫Cafe 嘅猫咪得意在佢地好多都系同一个阿爸生，基本上佢地全部都系一家人黎。虽然佢地都唔系咩名种猫。但系佢地个个都好乖好亲人!! 虽然佢地好多个个样都好近似，但系只只都好乖咁任人摸。系座嘅其间你会发现熟客同新客嘅分别。熟客个个都会知道呢度d 猫好钟意拍 Pat Pat . 你会见到有d 猫咪会痴住熟客座。熟客就系度拍. 不过如果你系新手最好请教下老板过两招比你先。唔系拍错可能猫咪会唔开心。怕左你。特别推介有两只新嘅猫小朋友卡乐同珍珍。佢地真系又乖又得意。D 毛仲超顺滑!! 手感真系一流XD . 拎我好怀念我主子仲系几个月大嘅时候 ( 此情不再... )
Cola 系一只超级公关猫 ( 尾巴有d 短 ) 佢一见到熟客就好自然自己走埋去 Social 下。好识做的。
老板系善待动物程度：
老板同老板娘系爱猫之人。佢地时不时都有留意客人同猫之间嘅互动。会提醒客人避免做出客亲猫咪嘅行为。系放粮嘅地方都会有提示客人唔好打扰猫咪进食。当人客唔多，同佢地交流下养猫心得。作为猫奴都可以学到野。每只猫咪都好干净，可见佢地都好悉心照顾佢地。
所以作为一个猫奴，我绝对唔会帮衬𠮶d 只将动物作为摇钱样嘅Cafe 。而呢间Cafe 你会有家嘅感觉。因为老板们同猫咪都好似一家人咁。所以都推介猫奴们黎。
最后我想讲如果家长们带小朋友去猫Cafe (边间都系），真系要事先教育下小朋友点同动物相处。对猫咪黎讲大部份人都系陌生人。陌生人如果太大动作或太亲近会吓亲佢地。我见其它评论可能会话梅子服务唔好，但我觉得系老板们因为爱锡猫咪，客人有时唔太识同猫相处。多d 提点客人啫。
张贴
