影片
更多
2019-03-22
243 浏览
生日揾间cafe开心庆祝一下～呢度一早已经book定位～好快就满座！一入到去就见到两只猫咪，好可爱！白色个只靓靓猫咪店长一直都系度训觉～另一只肥肥猫咪就走黎走去，每张枱都行一个圈，猫店长系度巡逻业务～牠仲好乖好有耐心，佢就算唔中意都唔会嬲，只会用手轻轻推开你，样子睇落好不耐烦，但其实佢好可爱呢度既装潢好少女，有一幅少女心花墙，所有碟都好可爱，金色既餐具🍴，每张枱都有糖果🍬真系少女心爆发！仲有成大个全部放桌上游戏既柜，加上又唔限时，想玩几耐都得，真系好休闲既地方，又舒服又有猫咪又有娱乐！Very Good玩左猫咪一段时间，终于肯返埋位睇餐牌😂店员完全唔会催落单，好好服务态度！餐点都好可爱，全部都好精致！好想全部叫晒佢！最后谂左好耐先叫左个厨师发板$188位，落单个时店员仲会问你想用朱古力写咩字句？中文定英文？生日当然要写Happy birthday啦！店员见我地仲谂紧，即刻自动话帮我地落左呢一个单先，因为准备需要少少时间，比我地慢慢谂其他食咩～好贴心！厨师发板 有热食、冻食同甜品，一上枱干冰既烟好像喷泉⛲️咁涌出黎，睇到我地哗哗声，仙女下凡咁款，摆盘极靓极有心思，店员仲会主动帮我地影相，等
一入到去就见到两只猫咪，好可爱！白色个只靓靓猫咪店长一直都系度训觉～另一只肥肥猫咪就走黎走去，每张枱都行一个圈，猫店长系度巡逻业务～牠仲好乖好有耐心，佢就算唔中意都唔会嬲，只会用手轻轻推开你，样子睇落好不耐烦，但其实佢好可爱
呢度既装潢好少女，有一幅少女心花墙，所有碟都好可爱，金色既餐具🍴，每张枱都有糖果🍬真系少女心爆发！仲有成大个全部放桌上游戏既柜，加上又唔限时，想玩几耐都得，真系好休闲既地方，又舒服又有猫咪又有娱乐！Very Good玩左猫咪一段时间，终于肯返埋位睇餐牌😂店员完全唔会催落单，好好服务态度！
餐点都好可爱，全部都好精致！好想全部叫晒佢！
最后谂左好耐先叫左个厨师发板$188位，落单个时店员仲会问你想用朱古力写咩字句？中文定英文？生日当然要写Happy birthday啦！
店员见我地仲谂紧，即刻自动话帮我地落左呢一个单先，因为准备需要少少时间，比我地慢慢谂其他食咩～好贴心！
厨师发板
$188
36 浏览
0 赞好
0 留言
厨师发板 有热食、冻食同甜品，一上枱干冰既烟好像喷泉⛲️咁涌出黎，睇到我地哗哗声，仙女下凡咁款，摆盘极靓极有心思，店员仲会主动帮我地影相，等我地相机📷食饱之后，店员仲好细心咁讲述食物边样食先好，点样食会好的～
〔我仲发现店员每张枱都系咁细心咁讲解，又不停帮手影相，仲会推荐食物〕
厨师发板：牛油柠檬汁煎带子刺身、香煎加拿大特大号虎虾、黑鱼子鹅肝多士、烈酒煮布冧、盐水煮荣螺（冷盘）、蒜片配香煎安格斯牛柳 、蟹棒、和风杂菜沙律 & 恋之花烟三文鱼
牛油柠檬汁煎带子刺身：牛油味好香，柠檬汁可以带出带子既鲜味！带子煎得香口又厚肉，不错👍🏻
香煎加拿大特大号虎虾：虎虾名副其实既特大号！好大只，调味刚好！虎虾头切左出黎无掉到，放左系格离用青瓜包住当摆盘，中意食虾头既可以食埋！
黑鱼子鹅肝多士：黑鱼子系精华所在，鹅肝唔会有腥味，多士烤得劲脆，咬落口劲有口质～
盐水煮荣螺（冷盘）：荣螺既肉都好厚下，味道正常水准，沾左佢的调味酱料，味道即刻加分
蒜片配香煎安格斯牛柳 ：牛柳味道不过不失，加埋炸香左蒜片，更好味。
恋之花烟三文鱼：三文鱼上面插左支薰衣草，好过瘾，烟三文鱼沾上蛋黄辣椒酱，味道够晒特别！分量都唔少！
蟹棒、和风杂菜沙律：正常发挥
烈酒煮布冧：好有特色既小小甜品，酒味唔浓有少少香味～
猫店长都有兴趣同我地同枱食饭～唔知系咪比的烟三文鱼吸引左呢～眼都唔眨咁𥄫实
另左仲叫左自选小食拼盘（3款 $198）
第一款：芝士焗有机大伞菇
芝士劲多，爆晒出黎，正！大伞菇焗完仲会爆汁，劲鲜甜既菇味！
芝士焗有机大伞菇
$78
27 浏览
0 赞好
0 留言
芝士焗有机大伞菇
$78
16 浏览
0 赞好
0 留言
第二款：香草牛油焗帆立贝
香草味同牛油混在一起，然后再焗，好香既味道，帆立贝够大只！
香草牛油焗帆立贝
$88
12 浏览
0 赞好
0 留言
第三款：芝士烟肉忌廉蓝青口
青口份量劲多，成只碟塞度爆晒，下面仲有的芝士烟肉忌廉薯蓉，薯蓉好滑好香烟肉味。如果芝士可以再多的就好了！
芝士烟肉忌廉蓝青口
$88
16 浏览
0 赞好
0 留言
我地仲叫多左个 日式胡麻鸡沙律$78
本来谂住个沙律系做前菜，但食下食下，比其他吸引左，搞到最后先食😂沙律个分量好大，烤鸡扒有劲大一块！胡麻酱又够多！仲有粟米、车厘茄同蜜桃🍑⋯⋯既配料，差的食唔晒！好味！好有口感，唔会觉得识落好单调。
日式胡麻烤鸡沙律
$78
19 浏览
0 赞好
0 留言
饮品我哋叫咗两杯天然手工水果茶系列
健康无价（左）紫醉金迷（右）
健康无价：木瓜、柠檬、金柑&黑加仑
味道酸酸甜甜，柠檬味比较突出，好清新既感觉～连嘢饮嘅装饰都好靓，全部都系风干嘅材料。
紫醉金迷：火龙果、菠萝、雪梨&柠檬
味道偏甜，材料混合之后有一种野苺嘅味道，味道特别！
【小插曲：餐厅突然全场关灯，然后燃点起蜡烛🕯️，原来在场有位小女孩生日！全场都拍手唱生日歌，真系好Sweet！餐厅仲有帮佢影埋即影即有添！】
呢间咖啡店值得推荐，好岩庆祝同聚会，食物水平又高，性价比高！服务又好～不错👍🏻
张贴
