小房子 (已搬遷) 新店位置

由于系朋友ig见到佢去过呢间店，除咗无限时间任你hea，仲见到有猫猫，即刻令我呢个钟意猫猫嘅人都想去。于是就约咗其他朋友当晚系小房子聚会。当晚虽然系平日，但一上去已经有唔少靓位被人霸咗。不过其实地方本身都唔大，一眼望哂。见到有人专登上去做功课，当系自修室咁，都几安静。搞到我地都唔敢太嘈添haha。望一望餐牌，真系无咩野食。最终叫咗茄酱肉丸面同三文鱼松面。唔记得两款面边款点点下就卖哂，有点无奈。除咗茄酱肉丸面同三文鱼松面，仲有沙律做前菜。不过整体而言，面同沙律都系普普通通。比较似系家常菜嘅感觉，味道唔系特别好食。我都认同呢间店嘅食物真系偏贵，但性价比亦唔高。不过值得一提嘅系店入面嘅猫猫都好温驯，都系任摸唔嬲，好乖。有时仲会摆啲奇怪姿势休息haha，心情都会得到治愈，系几放松嘅。店入面有位置比客人席地而坐，仲有乌克丽丽玩，都几特别。总括而言，如果系为咗食物我觉得旺角绝对有更多更好嘅选择，因为呢到有机会令你失望。但如果系想揾地方静静地坐下、倾下计、或者同猫猫一齐放松，呢到会系唔错嘅选择。