貓之茶房 (弼街)

营业中

休息中

朋友好钟意小动物，特登带咗佢去太子一间猫猫Cafe玩吓。啲猫猫Cafe都系第一次嚟，估唔到体验唔错，可以再encore。餐厅平日每小时每位$58 ，已经包自助嘅茶同咖啡，仲有得免费玩board game，猫棒，超级好，仲有其他果汁、饮品、蛋糕、三文治就另外自助付款，三文治都系$18，饮品$12，芝士蛋糕$19，价钱非常亲民。入去要先换拖鞋，手袋都会提供一个胶套包住，好安全稳阵。入边仲有几本书介绍每只猫嘅特性，好贴心。猫猫全部都好乖好亲人，心灵都被治疗了。餐厅都几大，有好多猫猫嘅活动空间，真系坐得好舒服，减压又写意，唔舍得走，我哋都玩咗两个钟。