Comma Cafe

营业中

休息中

喺旺角登打士街鉄火堂隔离嘅后行，隐藏住一座大厦入口。喺依座商业中心嘅14楼，隐藏咗一间好特别嘅Cafe。依度，系有𡃁𡃁花花墙、可爱猫猫、萌萌女仆、有Board Game，仲有美味食物嘅Comma Cafe。三五知己一齐嚟食饭倾偈，自己一个嚟陪下猫猫，同女仆倾吓偈亦得。今日难得放假，我就上咗去食个饭，饮杯嘢relax一下。𡃁𡃁花花墙同可爱猫猫系欢迎大家影吓相打卡嘅，不过萌萌女仆就唔可以偷影同乱摸喇。大家记得遵守宅邸守则呀，唔系嘅话被萌萌女仆赶出门口就好肉酸嫁喇。黑松露忌廉鸭胸意大利粉相当之惹味。忌廉味香浓得嚟，完全挂到上意大利粉。而黑松露令忌廉汁味道提升不少。意粉仲有唔少嘅蘑菇片同埋蚬肉。鸭胸片全部都有煎香，渗透出阵阵油香。香灯绿茶喺我好中意饮嘅饮品，看似简单，但比例都要调得合适，味道先会balance。