Cafe Idea (已結業)

星期五既下午，自制一个休息时间，relax 下， enjoy my happy Friday! 独自黎到旺角既猫猫cafe.放空一小时讲到afternoon tea就一定系甜品啦，而呢个岩浆吐司净系个卖相已经极之吸引，将大大块牛乳面包放系木纹板上，再用棉花糖做点缀，系面包上有大大个猫咪肉球，隔离仲有大大球云呢拿雪糕，上面仲唧满晒忌廉，仲有个猫咪唛头系上面，净系个卖相已经值回票价。而我选既岩浆系港式奶茶「岩浆」，一切开块面包，就有杰杰地既「奶茶岩浆」流晒出黎。味道方面亦都十分唔错，面包十分松软，「岩浆」奶茶味够浓，配埋杯荔枝玉露，十分推荐。讲到猫咪café，当然唔少得主角：可爱既猫咪们。猫咪仲非常亲近人，各位猫奴千奇唔好错过！