小確幸

营业中

休息中

成日响 都见到小确幸卖广告！佢啲布丁烧上面可以写上字句，觉得好得意！但通常得意嘅嘢，都系得个样，好睇唔好食！所以成日都好想试吓好唔好味，但一直未有机会！今天，终于有机会试啦！有同事今日last day，竟然挑选咗小确幸做散水饼，好惊喜呀！实物同广告上嘅相一样咁靓，上面写上多谢字句，同埋小确幸嘅名同埋招牌猫头鹰公仔！我第一次食布丁系有说明书架！😆店主好体贴咁配埋纸碟，等我可以将布丁烧倒出嚟食！写字𠮶面系芝士蛋糕，到咗出嚟之后𠮶面就系布丁啦！布丁好滑，好有蛋味，唔算太甜，混埋芝士蛋糕一齐食，好丰富嘅口感，好好味！我之后上网睇，原来佢仲有好多其他味道架，真系好想试埋其他口味！可惜店舖太远，如果响市区都有分店就好啦！