Catee (已結業)

又到左介绍特色餐厅嘅时候啦，今次要同大家介绍嘅系，位于荃湾西嘅Catee 高质西餐，一入到餐厅，就见到好多只猫，不过唔系真猫，而系挂喺墙壁上嘅猫画像，啱晒爱猫之人。餐厅嘅Dinner set 性价比真系好高，加$30就有前菜，面包，罗宋汤，同埋一杯嘢饮，仲有甜品添，真系抵到烂。前菜法包有两款口味，我自己就比较钟意食黑色𠮶只，同埋餐厅准备咗白醋作配搭，可以点少少白醋食，更加特别。罗宋汤呢个罗宋汤简直系我饮过最好味嘅，因为唔会太酸，咁落去，喉咙好舒服。威灵顿三文鱼扒呢个菜式，简直系呢间餐厅嘅灵魂，真系一食难忘。外层系香脆酥皮，里边系入口即溶嘅三文鱼扒，一入口就知呢个三文鱼唔简单，系劲Juicy ，煮嘅时间啱啱好，所以三文鱼唔会鞋。仲有薯蓉，蘑菇，等等作配菜。分量劲多，两个女仔食就差唔多啦。Oreo 奶昔呢杯系餐厅嘅王牌饮品，系店员推荐俾我㗎。造型好别字，有块Oreo痴系Cream上面，同埋奶昔唔会太甜，就算饮完都唔会觉得滞咗，搞到食唔落主食。木瓜奶昔甜品服务态度真系冇得弹，我哋食完一道菜，服务员先会再想另一道菜，咁啲嘢食就唔会摆到冻哂，啱晒食得慢嘅朋友仔。