Catee (已結業)

依间用猫做主题，虽然入面一只猫都冇，但系入面都有好多猫既装饰摆设，而且入面环境几好，入到去有种好舒服好relax既感觉。佢地有d套餐选择，个餐仲包埋餐汤/餐包/沙律/主菜/饮品/甜品，价钱唔贵好合理，最重要一样野系，所有野都系续样续样上，食完一样先上另一样，唔会有种急住上菜赶你走既感觉，好适合情侣朋友去食。8点前仲有happy hours,惠顾一round,可半价小食。虽然冇真猫，但好多关于猫既画。蜜糖芥末单鸡翼 : 炸到好香脆，一d都唔油，而且系单骨，食得好方便。香煎海鲜拼盘 : 超级大份，鱼扒仲有3款，职员话，每日都唔同，睇下当日有咩新鲜就会用𠮶款鱼，抵赞，另外一赞系个薯蓉，好滑好香牛油味，食完一啖接住食另一啖。西班牙黑毛猪辣肉炒饭 : d饭好入味，软硬度刚好，黑毛猪好有肉味，而饭都食到黑毛猪既香味，配搭得好好。抹茶芝士蛋糕 : 抹茶同芝士比例配合得好好，大家唔会抢左大家既味道。Oero奶昔 : 啖啖Oreo碎，唔会太甜，令依餐饭画左完美既句号。